終於都行左畢業禮啦,好開心呀. 因為哩日可以見到好多好耐無見o既同學仔,而且我都正式結束我21年學校生涯啦. 可能今次係大學畢業, 所以當開始畢業禮時,我覺得十分感慨而且又十分開心呀. 果種心情我好難用我噤低水平o既中文來形容呀.

果日老豆,阿媽,大家姐同文子喬都有來呀,而且大家姐仲買左一束大花俾我tim呀. 不過最遺憾o既係bf來唔到呀. 好彩我最後都等到佢來同我影相. 都算好完滿呀!!

因為bf唔能夠出席我下星期o既畢業禮,所以就算尋日係sleeping day都同bf一齊番左poly影相.除左bf,我仲叫左galy, x飯同So Man一齊去影相tim. 中段時Crystal唯左哩次影相, 我噤大個女第一次自己化妝呀!!原來真係好鬼煩呀.我諗住會好快啦,但我都攪左大半個鐘,而且出來o既效果都不太好.唉!!!下次要再請教下家姐先得. 亦因為為左化妝,我無準備好件袍就番左去,結果係咁俾佢地話我咩都唔準備好就話影相.HAHA!!好彩有佢地幫我!!!

尋日番去影相, 6個人就有4部相機.每影一個境就要影4次.o個個情境我覺得好攪笑呀, 我好似明星咁,望完左邊就望中間然後就望左邊,最後又望番中間,我諗4部相機加起來我o地都影左幾十近百張相呀.

今日我除左帶BF之前買俾我O既吉蒂畢業公仔外,Galy仲送左束花仔俾我,而crystal又送左個差唔多一模一樣o既蒂畢業公仔俾我呀.

不過點都好,有bf同幾個好朋友同我影相我都已經好開心啦!!

我已經差唔多upgrade左3個月啦,而家成日都要做隔主.有時候都幾大壓力.可能我驚自己做得唔好,要人跟我手尾啦.前o個幾日,我真係做漏野啦,結果要人幫我執手尾.雖然無人話我,但我唔想自己o既一時疏忽連累到自己o既同事或者影響到d病人呀.究竟我幾時先會做到唔做錯野,唔麻煩到人呢?希望我可以快d做到啦.

今日已經係星期5,又一個星期啦.時間都過得幾快呀.咁都幾好,咁咪唔會覺得悶lor.

今日又去左學yoga啦.sleeping都去係咪好勤力呢!!!無計啦,想搵d野做下之餘又想keep fit.呢樣活動都真係唔錯.況且又有人陪我去做,都幾好呀!!!um,我一定要努力做,我真係唔想廿幾歲女就有師奶o既身材.再唔keep下,我驚真係無人要啦!!!

尋晚night好忙呀.雖然唔使收症,但個場鬼噤樣衰.5部bipap,勁多部cardiac mon, SpO2機,d patient又唔聽話,仲要同sister一齊night.唉,結果成晚無停腳,係咁去應d alarm.好彩都仲有night food時間俾我坐下.不過其實忙都唔緊要.唔"lum"檔就得啦.除左忙之外,我仲有血光之災呀!!!打針開lasix時,開極都開唔到,之後再用力啪,隻手指插到d邊位.開頭諗住cut少少無咩野,點知d血係咁流.唯有即刻止血先啦.好啦,過左一個hour諗住無野,咁咪唔包住紗布,如果唔係好難帶手套插foley.點知插插下,幫我噤住patient o既叔叔就同我講話我隻手指流緊血.頂!!!!好彩差唔多攪掂,跟住就拿拿臨衝入去treatment room做個simple dressing先.結果到做yoga時都有少少血流.我諗個wound都幾深!!!